ایک نیوز: پی ٹی اے نے پاکستانی مارکیٹ میں میڈ ان انڈیا آئی فونز کی فروخت اور صارفین کے استعمال کے امکان کو رد کردیا ہے۔
کابینہ ڈویژن کی جانب سے بھارتی ساختہ آئی فونز کو پاکستان کی سائبر سکیورٹی کے لیے خطرہ قرار دینے سے متعلق ایڈوائز ری کا معاملہ، پاکستان ٹیلی کمیونیکیشن اتھارٹی کی جانب سے پاکستانی مارکیٹ میں میڈ ان انڈیا آئی فونز کی فروخت اور صارفین کے استعمال کے امکان کو رد کردیا گیا ۔
پی ٹی اے حکام کے مطابق امپورٹ آرڈر 2022 کے تحت بھارتی مصنوعات کی پاکستان میں درآمد ممنوع ہے، بھارتی آئی فون اور ڈیوائسز پاکستان میں بلیک لسٹ ہیں ، بھارت کے مختص ٹائپ الیکوکیشن کوڈ کو پی ٹی اے بلیک لسٹ کرتا ہے، پی ٹی اے ، جی ایس ایم اے کی جانب سے بھارت کے لیے مختص کردہ ٹائپ ایلوکیشن کوڈ کو رجسٹر نہیں کرتا ہے۔
پی ٹی اے حکام کا کہنا ہے کہ ٹیلی کمیونیکیشن (ری آرگنائزیشن) ایکٹ1996 کے سیکشن 29 کے تحت مقررہ معیارات کی تعمیل کو یقینی بنانے کے لئے ٹرمینل ڈیوائسز ٹائپ اپرول ٹیکنیکل ریگولیشن 2021کے مطابق جانچ کی جاتی ہے، بھارت میں بنی ہوئی تمام تر ٹرمینل ڈیوائسز ، ڈی آئی آر بی ایس کے ذریعے پاکستان میں رجسٹرڈ نہیں ہو سکتی ہیں۔