ویب ڈیسک:امریکی ریاست پنسلوینیا کے شہر فلاڈیلفیا کے شمال مشرقی علاقے میں شاپنگ مال کے قریب ایک چھوٹا طیارہ گرکر تباہ ہوگیا،حادثے میں 6افراد ہلاک ہو گئے۔
امریکی میڈیا کا کہنا ہے کہ حادثے کے بعد طیارے میں آگ لگ گئی جبکہ حادثے کے نتیجے میں 6 افراد ہلاک ہونے کی بھی اطلاعات ہیں،حادثے کی جگہ پر امدادی کارروائیاں جاری ہیں اور انتظامیہ کیجانب سے طیارہ گرنے کی تحقیقات بھی شروع کر دی گئی ہیں۔
خیال رہے کہ جمعرات کو بھی واشنگٹن میں مسافر جہاز اور ہیلی کاپٹر ٹکرانے کا واقعہ پیش آیا تھا، طیارے اور ہیلی کاپٹر میں موجود تمام 67 افراد کو مردہ تصور کیا گیا ہے جبکہ ڈی سی فائر چیف کا کہنا ہے کہ ابھی تک41لاشوں کی باقیات نکالی جاچکی ہیں،28لاشوں کی شناخت ہو چکی ہیں۔
کیپشن: Another small plane crashed in Philadelphia, killing 6 people