چئیرمین پی سی بی کاقذافی سٹیڈیم کا دورہ، مختلف فلورز ،باکسز کا معائنہ کیا 

ایک نیوز:دنیائے کرکٹ کا منفرد ریکارڈ، صرف110روز میں قذافی سٹیڈیم کا 99 فیصد کام مکمل کر لیا گیا۔
  چئیرمین پاکستان کرکٹ بورڈ محسن نقوی نےالصبح قذافی سٹیڈیم کا دورہ کیا،چیئرمین پی سی بی محسن نقوی نے مختلف فلورز اور ہاسپٹلٹی باکسز کے فنشنگ ورک کا معائنہ کیا ،چیئرمین پی سی بی محسن نقوی نے باکسز کے سامنے لگائی ریلنگ کے معیار کو چیک کیا۔
 محسن نقوی نے باکسز کے باہر لگائی نشتوں پر بیٹھ کر گراؤنڈ کے ویو کو دیکھا ،چیئرمین پی سی بی محسن نقوی نے فلورز کے فنشنگ ورک کا معیار چیک کیا ،چیئرمین پی سی بی محسن نقوی نےفنشنگ ورک کو برق رفتاری سے مکمل کرنے کی ہدایت کی،فنشنگ ورک میں معیار کو ہر صورت یقینی بنایا جائے۔
 محسن نقوی کا کہنا تھا کہ قذافی سٹیڈیم تکمیل کے قریب ہے، وزیر اعظم محمد شہباز شریف7فروری کو افتتاح کریں گے،چیمپئنز ٹرافی کے میچز دیکھنے والے شائقین نئے سٹیڈیم کی سہولتوں سے لطف اندوز ہو سکیں گے،چیف آپریٹنگ آفیسر سمیر احمد نے فنشنگ ورک پر پیش رفت کے بارے بریفنگ دی۔