ایک نیوز: قومی کرکٹ ٹیم کے آل راؤنڈر شاداب خان کے نکاح کے بعد بارات اور ولیمے کی تاریخیں بھی سامنے آگئی ہیں ۔
رپورٹ کے مطابق شاداب خان کا نکاح سابق کوچ ثقلین مشتاق کی صاحبزادی سے ہوا تھا جس کی اطلاع شاداب کی جانب سے اپنے مداحوں کو ٹوئٹر پر دی گئی تھی۔ شاداب نے اپنی ٹویٹ میں لکھا کہ ’الحمد اللہ آج میرا نکاح تھا، یہ میری زندگی کا بہت بڑا دن تھا اور آج میری زندگے کے ایک نئے باب کا اضافہ ہوا ہے، برائے مہربانی میرے انتخاب ،میری اہلیہ اور ہمارے خاندان کا احترام کریں۔ آپ سب کیلئے دعائیں اور ڈھیر سارا پیار۔‘ شاداب کی بارات اور ولیمے کی تاریخیں بھی سامنے آئی ہیں جس میں بتایا گیا ہے کہ شاداب کی بارات اور ولیمے کی تقریبات 9 اور 10 فروری کو اسلام آباد میں منعقد کی جائیں گی۔ شاداب کی بارات اور شادی کی تقاریب شاہین آفریدی کے نکاح کے بعد منعقد کی جائیں گی۔
واضح رہے کہ شاہین شاہ آفریدی کا نکاح سابق کپتان شاہد آفریدی کی صاحبزادی انشا آفریدی سے 3 فروری کو ہوگا۔گزشتہ ماہ کراچی میں ہی شاہین کی سالی اور شاہد آفریدی کی بیٹی اقصیٰ آفریدی کے نکاح کی تقریب کراچی میں منعقد کی گئی تھی۔