ایک نیوز نیوز: پی ٹی آئی رہنما و سابق وزیرِ اطلاعات فواد چوہدری نے کہا ہے کہ وفاقی حکومت کی غیر سنجیدگی دہشت گردی کی بنیادی وجہ ہے۔
سماجی رابطے کی ویب سائٹ ٹوئٹر پر اپنے پیغام میں سابق وفاقی وزیر فواد چوہدری نے کہا کہ کوئٹہ میں دہشت گردی کے واقعے میں شہادتوں پر انتہائی افسوس ہے۔ حکومت تبدیلی کے بعد سے اب تک پاکستان میں دہشت گردی 52فیصد بڑھ گئی۔ٹوئٹر پیغام میں پی ٹی آئی رہنما فواد چوہدری نے کہا کہ دہشت گردی کے واقعات کے نتیجے میں 270 شہری اور سکیورٹی اہلکار شہید ہوئے جبکہ سیکڑوں افراد زخمی ہوچکے ہیں۔ دہشت گردی کی بنیادی وجہ حکومت کی غیر سنجیدگی ہے۔
انہوں نے کہا کہ دہشت گردی کی بنیادی وجہ اسلام آباد میں سنجیدہ حکومت نہ ہونا ہے۔ معیشت کی طرح گورننس بھی تباہ ہوچکی ہے۔ افغان پالیسی تباہ حال ہے اور انسدادِ دہشت گردی پر کسی کی توجہ نہیں۔ڈر ہے کہ ہمیں 2018 کے بعد جو کامیابیاں حاصل ہوئیں، انہیں کھو نہ دیں۔
دھشت گردی کی بنیادی وجہ اسلام آباد میں سنجیدہ حکومت نہ ہونا ہے معیشت کی طرح گورننس تباہ ہو چکی ہے، افغان پالیسی تباہ حال ہے اور کاؤنٹر ٹیررازم پر کسی کی توجہ نہیں، ڈر ہے کہ ہمیں 2018 کے بعدجو کامیابیاں حاصل ہوئیں انھیں کھو نہ دیں
— Ch Fawad Hussain (@fawadchaudhry) December 1, 2022
قبل ازیں سابق وفاقی وزیر فواد چوہدری نے کہا کہ ہوسکتا ہے کہ ہماری پارٹی کے بعض افراد کی یہ رائے ہو کہ صوبائی اسمبلیاں تحلیل نہیں کی جانی چاہئیں لیکن اب فیصلہ ہوگیا ہے، سب کو استعفے دینے ہوں گے۔تحریکِ انصاف 20 مارچ سے قبل الیکشن چاہتی ہے۔
پی ٹی آئی رہنما فواد چوہدری نے امریکی سفیر ڈونلڈ بلوم سے ملاقات پر کہا کہ امریکا اور دیگر ممالک کے سفیروں سے رابطہ ہوتا رہتا ہے، سفیر سیاسی جماعتوں کا نقطۂ نظر سمجھنے کے خواہاں ہیں۔