ایک نیوز نیوز: اے این ایف نےمنشیات فروشوں کیخلاف ملک بھر میں کریک ڈاؤن کرتے ہوئے ملک بھر میں مختلف مقامات پر منشیات اسمگلنگ کی کوشش ناکام بنائی ہے۔
رپورٹ کے مطابق اے این ایف نے گوادر میں خطرناک و بیابان پہاڑی علاقے میں خفیہ اطلاع پر کامیاب کارروائی کرتے ہوئے اونٹوں کے ذریعے بھاری مقدار میں چرس اسمگل کرنے کی کوشش نا کام بنا دی ہے۔ 1400 کلو گرام چرس اونٹوں پر لاد کر گوادر اور پھر سمندری راستے سے اسمگل کرنے کی کوشش کی جا رہی تھی ۔
https://www.pnntv.pk/uploads/digital_news/2022-12-01/news-1669873942-1434.mp4
دوسری کارروائی میں انٹرنیشنل میل آفس راولپنڈی میں لندن سے آئے پارسل میں سے 68 گرام وِیڈ برآمد کی گئی ہے۔ایک اور کارروائی میں باچا خان انٹرنیشنل ائیرپورٹ پشاور پرشارجہ جانے والے 2 ملزمان کے ٹرالی بیگ سے 3 کلو500 گرام آئس برآمدکی گئی ہے۔
ترجمان اے این ایف کا کہنا ہےکہ نیشنل ہائی وے روڈ حیدرآباد کے قریب ٹرک سے 119 کلو چرس برآمد کی ہے جس میں ملوث 2 ملزمان کو بھی گرفتار کر لیا گیا ہے۔ کراچی انٹرنیشنل ائیرپورٹ پر بنکاک جانیوالے 2 ملزمان اور خاتون کے پیٹ سے بھی مجموعی طور پر 150 ہیروئن بھرے کیپسولز برآمد کئے گئے۔
اے این ایف نے نیشنل ہائی وے پرسکھر کے قریب مہراب پور کے رہائشی ملزم سے 11 کلو چرس برآمد کی ہےمُلزمان کیخلاف انسدادِ منشیات ایکٹ کے تحت مقدمات درج کر لیا گیا ہے۔