ویب ڈیسک: وفاقی پولیس کے شعبہ سی ٹی ڈی میں تعینات لیڈی کانسٹیبل کی جانب سے دوران ڈیوٹی یونیفارم میں سوشل میڈیا پر سرکاری گاڑی استعمال کرتے ہوئے ویڈیو بنانے پر ملازمت سے برخاست کردیا گیا۔
پولیس ذرائع کے مطابق لیڈی کانسٹیبل مقدس کو ویڈیو سامنے آنے پر معطل کرکے انکوائری انسپکٹر ریسکیوون فائیو کو دی گئی تھی جن کی سفارش پرایس پی ڈولفن اینڈ ریسکیو میاں علی رضا نے انکوائری رپورٹ موصول ہونے پرخاتون کانسٹیبل کو ملازمت سے برخاست کردیا۔
رپورٹ میں انکوائری آفیسر نے قراردیا کہ لیڈی کانسٹیبل کی سرکاری ملازمت میں دلچسپی ختم ہوگئی ہے، انہوں نے اسے سنگین بدتمیزی کا قصور وار قرار دے کر ملازمت سے برخاست کرنے کی سفارش کی تھی۔
ویڈیو میں دیکھا جاسکتا ہےکہ اسلام آباد خاتون پولیس اہلکار ہندوستانی گانے پر ڈانس کرتے ٹک ٹاک ویڈیو بنانے میں مصروف ہے،ٹک ٹاک بنانے والی خاتون سی ٹی ڈی کی اہلکار ہے۔