ایک نیوز : پاکستانی ہاکی ٹیم کے کھلاڑی چنئی میں ایشین چیمپئن شپ ٹرافی میں شرکت کیلئے بذریعہ اٹاری واہگہ بارڈر، بھارت پہنچ گئی ہے۔
رپورٹ کے مطابق بھارت پہنچنے پر پاکستان ہاکی ٹیم کے کوچ محمد ثقلین نے میڈیا سے گفتگو کرتے ہوئے کہا کہ مجھے یقین ہے کہ کھیلوں اور فلمی صنعت کے ذریعے بھارت کے ساتھ ہماری سرحدیں مزید مضبوط ہوں گی۔
پاکستانی ٹیم ایشین چیمپئنز ٹرافی کھیلنے کے لیے چنئی جا رہی ہے اور اس ٹورنامنٹ میں ایشیا بھر کی ٹیمیں شرکت کریں گی۔ کھیلوں کے ذریعے ہم اپنے تعلقات کو مزید مضبوط بنانے کی امید رکھتے ہیں۔
واضح رہے کہ ایشین چیمپئنز ٹرافی 3 اگست سے شروع ہورہی ہے.پاکستان کی ٹیم اپنا پہلا میچ 3 اگست کو ملائیشیا کے خلاف کھیلے گی جبکہ قومی ٹیم کا بھارت سے مقابلہ 9 اگست کو شیڈول ہے۔